گؤزلرین جلّاددیر، باخیشین یاغی

گؤزلرین جلّاددیر، باخیشین یاغی،
قانلی غمزه‌ن کیمی اولماز بلا، قؽز.
نازلی-نازلی دانیشیبان گۆلنده،
دؤنورسن شکره، قنده، بالا قؽز.

لبلرین سوسندن، گۆلدن اعلادیر،
سئیر ائله گۆلشندن، گۆلدن اعلادیر،
تامام آغ بدنین گۆلدن اعلادیر،
قامتیندیر صنوبردن بالا، قؽز.

عؤمرونه چوخ دوعا-ثنا دئمیشم،
سوچومو، دردیمی سانا دئمیشم.
من جانیمی قوربان سانا دئمیشم،
اول زامان کی، اولدو قال و بلا، قؽز.

قامتین، گردنین، بویون گؤزلدیر،
مۆشکین، ایریحانین، بویون گؤزلدیر،
سنی سئون دئییر بو ان گؤزلدیر،
هرگیز اولماز بو دۆنیادا بئله قؽز.

واقیفم، دۆز دانیش، اییلمه مندن،
آپارما عقلیمی، اکیلمه مندن،
آغلارام کی، امیم، اییل ممه‌ندن،
منی سینه‌ن بئشیگینده به‌له، قؽز.