سن دوغولان گون

گؤز آچدی دونیایا سس‌سیز، سمیرسیز
سن دوغولان گون.
منیم‌چون دوغولدون مندن خبرسیز
سن دوغولان گون.

یاشاییش عمرومون باهاری کیمی
سن دوغولان گون،
ایل‌لرین ساپیندا میرواری کیمی
سن دوغولان گون.

حیاتین گؤزللیک تمناسی‌دیر
سن دوغولان گون.
سئوگی عمّانین ایلک داملاسی‌دیر
سن دوغولان گون

ایل‌لر اوزویونون قاشی ساییلسین،
سن دوغولان گون.
دونیانین محبت یاشی ساییلسین
سن دوغولان گون.

1967