منو
سون تلفون صؤحبتی
شیرمایی تلفون...
تانیش نؤمره‌لر.
فیکرین قانادلانار،
سن ده اوچارسان.
اۆرک ایسته‌ینده
ائله امر ائدر —
بیر آندا دوستونلا
سن قوووشارسان...
سۆزولدو قلبیمه
ایستی نفسی،
ائشیتدیم او دوغما،
مهریبان سسی،
— اۆرگیم! یاخشیدیر! قالما نیگاران!
(بلکه اۆرگینی توتورموش بو آن —
نبی، سن اؤزوندن موغایات اول ها...
دۆننکیلر دئییلیک داها.
بو نئجه آخشامدی،
نه صؤحبتدی بو؟
کیم بیلیر، بلکه ده وصیّتدی بو!
— هه، سونا یاخشیدیر. سؤزومه؟..باخیر...
اودور شئیطان-شئیطان اۆزومه باخیر.
ائله اینام واردی،
اونون سسینده،
اینام نه تئز سؤندو
یئر کۆره‌سینده،
— سنه سؤز وئرمیشم گئدک خؽزی‌یا...
اینشااللاه، یاز گلسین، چاتاق آرزویا...
نه بیلیم،
کئچه‌رک
داغلاردان ایز-ایز
بو ایل یاز گله‌جک
دۆنیایا سنسیز.
– صاباح گئده‌جه‌یم خسته‌خانایا...
بئش گۆنه چؽخارام... چوخو بیر آیا...
بو گئدیش
بس نیه
ابدی اولدو؟
صاباحی بوز تورپاق
معبدی اولدو!
...یئنه قلبیمده‌دیر
ایستی نفسی،
سون سؤز یوغرولموشدو
ایلک صداقتدن.
من هاردان بیله‌یدیم
دوستومون سسی،
او آخشام
گلیرمیش
ابدیتدن؟!
۱۹۸۶