هانی؟

سؽنیر کؤورک-کؤورک قاناد دۆنیادا،
سانیرام سونسوزدور حیات دۆنیادا.
صاباحا یاشاماق
   گۆمانی،
       هانی؟
بیز دویدوق ذؤقوندن هاچان داغلارین؟
بیزی آنا کیمی قوجان داغلارین،
هانی سۆد عطیرلی
   دومانی،
       هانی؟
چوخ دئدیک دۆنیانین
اعتیباریندان،
کئچدیک نیسگیللرین آه-و-زاریندان،
دردلرین سؽزلایان
   کامانی،
       هانی؟
خزان یارپاقلاری دۆشور چینیمه،
قوجالیق دونونو بیچیر اَینیمه،
گزیرم، ایللرین
   لیمانی،
       هانی؟

31 آوقوست ۱۹۸۹