منو
ایکیلیکده
گل، بؤلک دۆنیانی ایکیلیکده بیز،
دره منه دۆشسون،
داغی سن گؤتور.
قالسین یئر اۆزونده قوشا ایزیمیز،
قارا منه دۆشسون،
آغی سن گؤتور.
ایلین اؤولادیییق یازلا قؽش کیمی،
فصیللر یاشاسین یاناشی منده.
بیز کی، بیر یئردهییک گؤزله قاش کیمی،
گؤزلر سنده قالسین،
گؤز یاشی منده.
گۆندوزو، گئجهنی عزیز ساخلایاق،
گۆنش سنه دۆشسون،
آی منه قالسین.
جوشقون سئللر کیمی بیرگه چاغلایاق،
دنیز سنین اولسون،
چای منه قالسین.
بیزیک بۆ دۆنیایا سنینله شریک،
بیزسیز نه قؽش گۆلر،
نه ده کی، باهار.
حیاتدا هر شئیی بؤله بیلریک،
اما بؤلونمهین
بیر سئوگیمیز وار.
۱۹۶۴
دره منه دۆشسون،
داغی سن گؤتور.
قالسین یئر اۆزونده قوشا ایزیمیز،
قارا منه دۆشسون،
آغی سن گؤتور.
ایلین اؤولادیییق یازلا قؽش کیمی،
فصیللر یاشاسین یاناشی منده.
بیز کی، بیر یئردهییک گؤزله قاش کیمی،
گؤزلر سنده قالسین،
گؤز یاشی منده.
گۆندوزو، گئجهنی عزیز ساخلایاق،
گۆنش سنه دۆشسون،
آی منه قالسین.
جوشقون سئللر کیمی بیرگه چاغلایاق،
دنیز سنین اولسون،
چای منه قالسین.
بیزیک بۆ دۆنیایا سنینله شریک،
بیزسیز نه قؽش گۆلر،
نه ده کی، باهار.
حیاتدا هر شئیی بؤله بیلریک،
اما بؤلونمهین
بیر سئوگیمیز وار.
۱۹۶۴