حسرت

بیر قؽز کئچدی بوردان،
کئچدی، دایاندی.
"شؽلتاقدیر" — دئدیلر، "دلی جئیراندیر".
اما کی، حۆسنونه هامی حئیراندیر.
بو گۆنسه ساحیللر او قؽزا حسرت.
آخشام گؤزلر یاندی،
   گور شفقلردن،
"— او اولدوز منیمدیر" — دیللندی بیردن:
"مارسا قاناد آچیب اوچاجاغام من"...
او، یوخدور، باخیرام اولدوزا حسرت.

من قۆطب اولدوزونو
گؤستردیم بو واخت:
تک او دییشمه‌ییر یئرینی آنجاق!
اونا بنزه‌میشم من ده یاناراق،
قؽشلار یاشامیشام من یازا حسرت.

سوسموش سؤزلریمی
   آچدیم کۆلگه...
سولان آغاجلارا، اولدوزلو گؤیه.
ایندی تک باخارام — سنسیزم -— دئیه،
چؤکوب قلبیم کیمی پاییزا حسرت.

زوغولبا، سئنتیابر ۱۹۹۸