گئديشين گتيردی غمی غصه نی

گئدیشین گتیردی غمی غصه نی

قلبیم سئوه بیلمز داها كیمسه نی

هر گئجه رویامدا گورورم سنی

یوخومو آپارا بیلمه یه جك سن

 

گئتدیین یوللارا حسرتله باخدیم

دنیز تك كوكره‌ییب، چای كیمی آخدیم

منیمله قالاجاق بو قارا باختیم

باختیمی آپارا بیلمه یه جك سن

 

گوناهین قارشینا چیخاجاق سنین

تنهالیق قلبینی سیخاجاق سنین

آهیم یاندیراجاق یاخاجاق سنی

آهیمی آپارا بیلمه یه جك سن

 

گوزومون یاشینی سیلسم ده بئله

سن سیز دردلی-دردلی گولسم ده بئله

روحومو آپارا بیلمه یه جك سن...