جان وئریر اؤیله کی، جانانی خبردار اولماز

محنتیم دن منیم اول مست خبردار اولماز،
اؤزو اؤز دامینه صیاد گرفتار اولماز.
نه قدر اویموش اولا دوشمن دیرین یئی دیر،
قارا بختیم یوخودان شوکر کی، بیدار اولماز.
ظاهراً کیم گؤزو گؤرمز فلک خونخوارین،
منی بو گونده گؤرن بؤیله ستمکار اولماز.
ای رقیب، ائیله مز اقبال سنه کؤنلوم آلان،
یوسیفی هیچه آلان دیوه خریدار اولماز.
اولمادیم باغیدا بولبول لر ایله همدستان،
بلی، سؤز آنلایانا جرأت گؤفتار اولماز.
خارلیقدان چکینن چکسین اؤزون دن اَتَگین –
کیم، اولان اؤز گؤزونه خار، دخی خار اولماز.
عشق، پروانه نه سؤزدور بو کی، عاشیق، قؤوسی،
جان وئریر اؤیله کی، جانانی خبردار اولماز.