کیم، یووامین خار و خاشاکیندا عنقا گیزلنیر

نولا گر کؤنلومده عشق ناله فرما گیزلنیر،
بو کؤنول بیر قطره دیر کیم، اوندا دریا گیزلنیر.
عاشیق پاکیزه گؤوهر سینه سینده خون دیل،
گیزلنیر، گر پردۀ مینادا صهبا گیزلنیر.
برق ابر آلتیندا پونهان قالماغی مومکون دئییل،
نالۀ آتش اینان، سینه مده بیجا گیزلنیر.
درد الیندن دود آهیم چون فلک پیمالنیر،
یاشینیر خورشید تابان و مسیحا گیزلنیر.
دورمایان، اوتورمایان خلق ایله بیلمز کیم، نئچین،
یئر اوزون دن قاچیبان گؤی لرده عیسی گیزلنیر.
بال و پرسیز بولبولم، مومکونمودور گؤرمک منی –
کیم، یووامین خار و خاشاکیندا عنقا گیزلنیر.
بیر پری پیوسته واردیر، شیشه سینده قؤوسی نین،
سنگدیل بوت لر گؤزوندن سانما بیجا گیزلنیر.