من دام بلایم، یئری، مندن حذر ائیله

ای سونبولی زولف اول گول روخساره دوشرسن،
اؤز باشینا فکر ائت کی، آیاقلارا دوشرسن.
زینهار الینه آیینه ای سنگدیل آلما،
اؤز جانینا رحم ائیله کیم، اودلارا دوشرسن.
تأخیر شکیبین دخی گنجایشی یوخدور،
گر فکر دوای دیل بیماره دوشرسن.
گر وئرسه کؤنول طاقت نظاره فریبین،
زینهار اونا آلدانما کی، زینهاره دوشرسن.
من دام بلایم، یئری، مندن حذر ائیله –
کیم، اودوما ای قؤوسی بیچاره دوشرسن.