بیر اشارت دیر سپهرین ثابت و سیاری کیم

آلدی مندن عاقبت جان نقدین اول عیّار گؤز،
ظالم و خونریز مژگان، کافر خونخوار گؤز.
ائیله کیم من بیر زامان سندن گؤتورمن کؤنلومو،
لطف قیل مندن گؤتورمه سن دخی زینهار گؤز.
ای دئین کیم، خلق ایله خندان گرکدیر آدمی،
من توتوم کیم، گولدوم-آچیلدیم، ولی آغلار گؤز.
نئیله سین گر گریۀ پونهانه مشغول اولماسین،
چونکی قالمیش سنسیز، ای گؤز مردوم و، بیکار گؤز.
درد چکمیشلر بیلیرلر اهل دردین حالینی،
وجه اولدور کیم، طبیبیم دیر منیم بیمار گؤز.
گئتمنم مئیخانه دن تا جام مئی گردشده دیر،
اولمانام هوشیار ساقی، اولمادان هوشیار گؤز.
کیمسه اولماز بؤیله قان سرخوش شراب نابی دن،
قان ایله گویا سیاه مست اولموش اول، خومار گؤز.
بیر اشارت دیر سپهرین ثابت و سیاری کیم،
شام لر قؤوسی گرک دیر صوبح تک بیدار گؤز.
بو هامان رعنا غزل دیر کی «نوائی» سؤیلمیش:
«سورمه گون تونلرده هیجران شامی توت بیدار گؤز».