بیر-بیریله آز دوشر بیزتک موافیق دوستلار

کؤنلوم ایستر کی، اولا اول آتشین روخسار و من،
فرصت عرض و نیاز و خلوت دیدار و من.
نؤوباهار و عندلیب و گوشۀ گولزاری من،
ابر گوهربار و ساقی و شراب و یار و من.

ایکیمیز اول مهوش ایله بیر قدح دن مست اولاق،
بیر نهالین سایه سینده اَیلَنیب پابست اولاق،
باغلاریق گردون الین گر بیر نفس همدست اولاق،
ابر گوهربار و ساقی و شراب و یار و من.

اول منه منظور، اونا سئیر چمن منظور اولا،
انگل و بیگانه ناپئیدا و محرم دور اولا،
مطرب خوش لهجه و چنگ و نئی و تنبور اولا،
ابر گوهربار و ساقی و شراب و یار و من.

بیز دیار عشقده چشم چیراغ عالمیک،
بیر جاهان اندوه ایله بی باک و رند و بی غمیک.
ساخلاسین تانری یامان گؤزدن کی، یاخشی همدمیک:
ابر گوهربار و ساقی و شراب و یار و من.

برگ و بار ایله مهیا دیر باهارین توشه سی،
بیر طرف گول خرمنی، بیر یاندا سونبول خوشه سی،
گونج دئیرو بیرهمن، زهاد و مسجید گوشه سی،
ابر گوهربار و ساقی و شراب و یار و من.

بیز کیمیز، صورتده و معنی ده لایق دوستلار،
دوستلوق دعواسینی ائتمکده صادق دوستلار،
بیر-بیریله آز دوشر بیزتک موافیق دوستلار:
ابر گوهربار و ساقی و شراب و یار و من.