یؽخیلیر

چاشیب سولونو-ساغینی،
هامی بیر اوجدان یؽخیلیر.
یادیرغاییب اوچماغینی
قوشلار آغاجدان یؽخیلیر.

اۆز توتوب حاقین یولونا
گئدنلرین وای حالینا،
باش اَیمیر دۆنیا مالینا،
قپیک-قوروشدان یؽخیلیر.

اؤز دردینی چکیر هره،
اؤز دیبینه چؤکور هره،
اؤز آلنینی ایکی یئره
بؤلن قؽریشدان یؽخیلیر.

قوجالیر عاقیلدان، هوشدان،
جاوانلار بیر شوخ باخیشدان،
خانیملار بیر یالواریشدان،
بیر آلدانیشدان یؽخیلیر.

...بئله‌دی، آتام، بئله‌دی،
بویروق الله‌دان بئله‌دی،
بو دۆنیا چوخدان بئله‌دی،
لاپ یارانیشدان یؽخیلیر...