بیر سحر یوخودان دوروب


بیر سحر یوخودان دوروب
اؤزونو اوشاق گؤره‌سن.
گؤره‌سن هامی ائوده‌دی،
اؤلنلری ساغ گؤره‌سن.

…قورخاسان قاچیب گئده‌لر، -
تئز قاپینی باغلایاسان.
گئری دؤنوب ایچریده
بیر تزه قوناق گؤره‌سن.

گؤره‌سن کی، قاپقارادی
او قوناق باشدان آیاغا.
اوندان باشقا هامی‌سی‌نین
اۆست-باشینی آغ گؤره‌سن.

پنجره‌دن ایچری‌یه
دولا، دولا گۆن ایشیغی.
ایچریده بوش-بوشونا
یانان بیر چؽراق گؤره‌سن.

سؤندوره‌سن او چؽراغی -
هامی بیردن یوخا چؽخا....
اوتاقدا بیر قارا قلم،
بیر ده آغ ورق گؤره‌سن