گلین آچین یومروغومو

سؽخیلماقدان الیم شیشیب،
دؽرناغیم اووجومو دئشیب،
بارماقلاریم دۆیون دۆشوب،
گلین، آچین یومروغومو!

نه گئدیب یاتابیلیرم،
نه قلم توتابیلیرم،
نه بیر داش آتابیلیرم،
گلین آچین یومروغومو!

من‌ کی بیر فاغیر اوغولدوم،
بیردن یای کیمی یؽغیلدیم،
بوغولدوم، اللّه، بوغولدوم،
گلین آچین یومروغومو!

اوچدو من قوران قالالار...
یاخشی کی وار گۆل بالالار،
دئدیلر:"اووجوندا نه وار"،
گله‌‌ک آچاق یومروغونو؟!