منو
من سنی سئومیردیم
من سنی سئومیردیم، آمما گئجه‌ایدی
بیر بوم-بوش واغزالی‌ایدی، بیرده بیزایدیک
یوخولو گؤزلرین گؤزومه دگدی
یوخولو گؤزلرین تر-تمیزایدی
یوخولو گؤزلرین یوخو گؤروردو
سن اؤزون ان شیرین یوخویدون آنجاق!
یوخولو گؤزلرین یوخو گؤروردو
من سنین یوخوندا یوخ‌ایدیم آنجاق
من گلن قاتارین هاییندایدیم
بیر سرین گئجه‌ایدی بیر ایلیق نفس
بیرده‌کی، من سنین یانیندایدیم!
یاخیندا اولانلار یوخویا گیرمز!
سونرادا قاتار گلدی یوخون داغیلدی
ایسته‌دیم سؤز دییه‌م کاریخدیم یئنه
قاتار گئجیکیردی، من داریخیردیم
بیرآزدا گئچسه‌ایدی آغلایاجاقدیم.
یاخشی کی گولمه‌ییم توتدو اؤزومه٬
سونرادا یول بویو اوزاندی کؤلگه‌م
سونرادا تک و تنها قاییتدیم ائوه!
او قاتار، او گئجه، او دونیا بلکه!
تک بوندان اؤتروییدی من سنی سئوم!
بیر بوم-بوش واغزالی‌ایدی، بیرده بیزایدیک
یوخولو گؤزلرین گؤزومه دگدی
یوخولو گؤزلرین تر-تمیزایدی
یوخولو گؤزلرین یوخو گؤروردو
سن اؤزون ان شیرین یوخویدون آنجاق!
یوخولو گؤزلرین یوخو گؤروردو
من سنین یوخوندا یوخ‌ایدیم آنجاق
من گلن قاتارین هاییندایدیم
بیر سرین گئجه‌ایدی بیر ایلیق نفس
بیرده‌کی، من سنین یانیندایدیم!
یاخیندا اولانلار یوخویا گیرمز!
سونرادا قاتار گلدی یوخون داغیلدی
ایسته‌دیم سؤز دییه‌م کاریخدیم یئنه
قاتار گئجیکیردی، من داریخیردیم
بیرآزدا گئچسه‌ایدی آغلایاجاقدیم.
یاخشی کی گولمه‌ییم توتدو اؤزومه٬
سونرادا یول بویو اوزاندی کؤلگه‌م
سونرادا تک و تنها قاییتدیم ائوه!
او قاتار، او گئجه، او دونیا بلکه!
تک بوندان اؤتروییدی من سنی سئوم!