گؤروب احوالین، ای بی رحم، آغلار دوست و دشمن هم

بحمدالله، یولوندا عاقبت خاک اولدو جان، تن هم.
قوتاردین شیوه نیمدن سن، بلای هجردن من هم،
توکندی درد عشقین، مندن اولدو قطع شیوه ن هم،

هم اولدوم من ملال و غصه دن آسوده دل، سن هم.

خیال نرگس دیدارایله بیماردیر کؤنلوم،
دوشوبدور آتش عشقه سراپا ناردیر کؤنلوم،
قد و رخسارین هجرانیله گرچی زاردیر کؤنلوم

کی، شاد ائتمز اونو نظارۀ شمشاد و گولشن هم.

گولوستان جمالیندان دوشوبدور تا جدا کؤنلوم،
چکر هر لحظه بولبول تک نوا، بو بینوا کؤنلوم،
دوروبدور اؤیله چون کنج قفسده مبتلا کؤنلوم

کی، ائتمز آرزوی آشیان و میل گولشن هم.

قیلیب دیر روزگاریم قاره زلف عنبر افشانین،
ائدیب دیر کؤنلومو مجروح زخم تیر مژگانین،
سالیب دیر سیّدی بیر حاله کیم، ایام هجرانین،

گؤروب احوالین، ای بی رحم، آغلار دوست و دشمن هم.