وار امیدیم اولا جمعیت وصلین مقدور

گئجه گؤردوم سنی، ای آفت دوران، یوخدا –
کی، ائدردین منه یوز لطف فراوان یوخدا.
گؤرموشم لعلوی، لازیمدی تؤکولسون قانیم،
اعتبار اولماز اگرچی گؤره‌لر قان یوخدا.
ظاهراَ آب بقایه یئته جک خسته کؤنول
کیم، بیلیب دیر دهنین سرّینی پنهان یوخدا.
نولا لعلین گؤروبن ذوق ایله خندان اولسام،
رسم دیر شاد اولو هر کیم اولا گریان یوخدا.
وار امیدیم اولا جمعیت وصلین مقدور
کی، قارا زلفوی گؤز گؤردو پریشان یوخدا.
گئجه گؤردوکده صفای روخون، ای کعبۀ حسن.
کاش اولایدیم، دولانیب باشوا، قربان یوخدا.
سیّد زار گؤروب وصلوی بیدار اولموش،
بیر گدا دیر کی، گؤروب اؤزونو سلطان یوخدا.