بحمدالله کی، قالدی یادگار اشعار جان بخشیم

اؤزوم گئتدیمسه اول کوده دل غم پروریم قالدی،
سر کویینده یارین بیر فقیر مضطریم قالدی.
چاغیردی بزم عشرتدن رقیب، اول مهربان گئتدی،
سبو زانوده، مئی میناده، الده ساغریم قالدی.
گئدیب فرهاد و مجنون، دهردن، من قالمیشام طعنها،
نه بیر همدم، نه بیر مونس، نه یارو یاوریم قالدی.
وجودیمی فلک، آری، قیلیب نقش اوعارضدن،
بو عالمده منیم ذاتی اولان اؤز جوحریم قالدی.
دریغا، درد کیم، گلدی اجل، من گئتدیم عالمدن،
رقیب بولهوس لرله او ماه انوریم قالدی.
جگر پرکاله سیندن وئرمدین تابوتوما زینت،
تمامه یئتمه‌دی گئتدیم، جاهاندا زیوریم قالدی.
بحمدالله کی، قالدی یادگار اشعار جان بخشیم.
اگرچی، سیّدا، نه ملک و مال و نه زریم قالدی.