شعر مؤجوز اثر سیّد ایله بحث قیلان

حسنده یوسفه دوشمز ائده جانان ایله بحث،
ای عزیزیم، نه روا قول ائده سلطان ایله بحث.
سجده قیل یاره، کؤنول، باخما او زاهد سؤزونه،
آدم اول، مطلبی قان، ائیله‌مه شیطان ایله بحث.
دهنین نقطه بیلیب اهل دقاییق او مهین،
بوندا سؤز چوخ، نه ائدیم بیر نئچه نادان ایله بحث.
پای جانانه فدا قیلماق اوچون وصل گونو،
سیبقت ائتمکده ائدر خسته کؤنول جان ایله بحث.
سونبولون حالی پریشان گؤرونور، یوخسا ائدیب
اول اوزو قاره بو گیسوی پریشان ایله بحث.
حجت قاطعی یوخ، غنچه، ولی، آغزین آچیب،
بیلمم ائیلر دهن یاره نه بورهان ایله بحث.
شعر مؤجوز اثر سیّد ایله بحث قیلان،
ائله دیر کیم، ائله یه آیۀ قرآن ایله بحث.