کریم بئی شیخ علی بئی اووا

کریم بئی شیخ علی بئی اووا

هزار شوکر، کؤنول، موسم باهار گلیر.
فضای گولشن آرا نغمۀ هزار گلیر.
چمنده سونبول آچار توره زلف دلبر تک،
مشامه بوی خوش و نافۀ تاتار گلیر.
نوای باربد و لهجۀ نکیسا تک،
بو مرغزارده فریاده مرغ زار گلیر.
دمنده لخلخۀ تار مشک و عود اولور،
چمنده زومزومۀ چنگ و عود و تار گلیر.
نثار ائدیر چمنه دُرّ و گوهر ابر باهار.
بسان سایل آچیب پنجه سین چنارگلیر.
بنوفشه پیشرو لشکر باهار اولور،
تصورائیله کی، روم اوزره زنگیبار گلیر.
کمان رستمی قوس قزح ائدر ظاهر،
دئی اشکبوسی کیمی تیره زخمدار گلیر.
باهار کاوه کیمی ناگهان خروج ائیلر،
شکوه صولت ضحاک تار و مار گلیر.
دریده پهلوی سهراب تک اولور غنچه،
سحاب دیدۀ رستم تک اشکبار گلیر.
دیار باغه فریدون گول اولور سلطان،
سرود تهنیته عندلیب و سار گلیر.
گؤرنده گولشن آرا سونبول دل آرانی،
خیاله طرۀ پرپیچ زلف یار گلیر.
خوشا اول عاشیق خوشبخته کیم، بو موسمده
بساط عشرتینه یار گولعذار گلیر.
نه غنچه تک جیری هجردن دؤنر قانه،
نه خاطرینه غم و درده خار- خار گلیر.
منیم ده دور و بریم روضۀ جنانه دؤنر،
اگر کنعانینا اول رشک نوباهار گلیر.
گؤرنده قند لبین اول بت شکردهنین
گؤزومه جمله جاهان مُلک قندهار گلیر.
شراب ناب من زاره اول شکرلب سیز
فراق افیه زلفیله زهرمار گلیر.
او تار طرۀ پرپیچ و خم فراقیندا،
بو روشنایی جاهان گؤزلریمه تار گلیر.
یقین بیل کی، فرح دن چیخار تنیمدن جان،
اگر کی، مژده گله شهره شهریار گلیر.
گتیر پیاله منه، ساقیا کی، مخمورم،
وسیله اولسا اگر، محنت خومار گلیر.
گتیر پیاله کی، تأثیر باده دن، ساقی،
گؤزومه بو در و دیوار لاله زار گلیر.
گتیر پیالۀ گولگون کی، بحر طبعیمدن
کنارا یوز گوهر و طبع شاهوار گلیر.
گتیر پیاله کی، مخمور اولوب قیلیم توصیف،
او سروری کی، منه مدحی افتخار گلیر.
کریم ذولکرم و منبع منابع جود
کی، جود سفره سینه “مؤن” ریزه خوار گلیر.
دئسم سحاب کرم اول کریمه تهمت دیر،
دئسم بهیار عطا همتینه عار گلیر.
بیر ابتلایه دوچار اولسا اول یگانۀ عصر،
معین و ناصر اونا روح هشت و چار گلیر.
غزالۀ فلک پیر اؤز اختیاری ایله
کمند همت والاسینا شکار گلیر.
شکاره عزم ائله سه نصر چرخ رغبتله،
او شاهبازه قیلیر میل، آشکار گلیر.
بو وجه دن کی، او شاهین درینده دیر عزت،
او آستانه یه هر اهل اعتبار گلیر.
ولیک بیلمییرم، طالعییم دؤنوبدو منیم،
کؤنول فراقی ایله ذلته دوچار گلیر.
او وقتدن کی، گئدیب شهردن او ماب کرم،
زمانه نین منه نقصانی هر نه وار، گلیر.
گهی سعید و شقی حالیمی ائدر درهم،
گهی عادل و بدیل امره آشکار گلیر.
دوشوبدو ناکس و نادان الینه افسانین،
بهشت ناقه سینه نار غم ماهار گلیر.
سهیل خاصیتم دشمنیمدو آل زنا،
نه غم، مقابله گر مرد نابکار گلیر.
او کس کی، روزنۀ پُشتدن تاپیب روزی،
هر آیینه چو هرایینه روزگار گلیر.
ولیک رونقی اولماز او کرم شبتابین،
سهیل تابش ائدر عمرو تار و مار گلیر.
کؤنول، بو قدر بئله اختیاردن دوشمه،
یئنه شماخییه اول صاحب اختیار گلیر.
اگرچی “قاراچالا” ائیله‌دی گونون قاره،
طلوع ائدر یئنه گون، شب گئدر، ناهار گلیر.
یئنه او سرو روان لاله تک چیخار داغه،
علاج درد دید زار و داغدار گلیر.
بساط باغی ائدر تور گول تجّلاسی،
تجلیات خدا باغه آشکار گلیر.
شمیم مشک توتار صحن باغ و صحرانی،
بنفشه سئیرینه بو زلف مشکبار گلیر.
یئنه قولاغه یئتر صوت نالجی دوراج،
صدای کپکدری زیب کوهسار گلیر.
خدا کریم دیر، ای دل، قرار توت بیر دم،
گلیر کریم بئیین کؤنلونه قرار، گلیر.
یئنه دوشر سنه اول سد اکبرین نظری،
یئنه مدارینا بو چرخ کج مدار گلیر.
چیخار بو زاغ و زغن لر فضای گولشندن،
هزار نغمه ایله عندلیب و سار گلیر.
بو آرخا سو گلیب، امید وار بیرده گله،
یئتر صنوبره ذوق، آب جویبار گلیر.
دخی بو خانۀ محنتده قالماسان سن مات،
یئنه هرایوه اول میر شهسوار گلیر.
فدا اولوم سنه، ای خرمن نوال عطا،
هر ایل وظیفه منه بوغدا بیر تاغار گلیر.
گلیب پاییزدا بیزه نصف بوغدامیز، لاکین
امید وار کی، قالان نصفی بو باهار گلیر.
مداخل آزدی، مخارج فزون، نه چاره قیلیم؟
عیال غصه سی قلب حزینه بار گلیر.
ایلاهی، ائیله بو ذاتین جلالینی افزون،
همیشه ناصر اونا لطف کردگار گلیر.
علی نبیره سیدیر چونکی بو حسین زاده،
جزا گونونده علی وحسینه یار گلیر.
عمر سلاله سی نین عمرون ائیله افزون کیم،
معمرینه اونون فیض بی شمار گلیر.
ایلاهی، ائیله سیمایله* جانیمی قربان،
او طفله هاجر و سارا کی، جان نثار گلیر.
حجاب و عصمت ایله ائیله دین دعا، سیّد،
آغا بو شعری گؤره، آفرین هزار گلیر.
قناعت ائیله‌مه سن آفرینه، یوخدور غم،
باهارده سنه بیر اسب راهیوار گلیر.
ایلاهی، عمر ائله سین بو کرم ایله آغا،
نه قدر عالمه کیم، فصل نوباهار گلیر.
————————————-
* اسماعیلا.