منو
حضرت ابراهیم احوالاتی
حضرت ابراهیم احوالاتی
بیر ستاره پرست شخص علیل
از قضا اولدی مهمان خلیل.
سفره حاضر قیلیب خلیل الله
دئدی اول شخص پیره: بسم الله!
گؤردو اول شخص میل قیلدی غذا،
ائتمه‌دی ذکر نام بار خدا.
تنگدل اولدی بس جناب خلیل،
بیلدی کیم، بت پرست دیر او علیل.
اولدی الهام:– کئی خلیل خدا!
بیر گئجه وئردین اول علیله غذا،
دئمه‌دی وقت اکل “ بسم الله”،
اولدون اول بت پرستدن اکراه.
یئتمیش ایلدیر کی، چکمه‌ییب نامیم،
اولماییب قطع اوندان انعامیم.
صبح وشام اول علیل و سرگردان،
خان احسانیما اولور مهمان.
دار دنیاده، ای ملک منظر،
ائتمرم قطع روزی کافر.
لیک عقباده اول بد اختر و شوم
نعمتیمدن منیم اولور محروم.