علی نین عمر و ابوبکرله زارافاتی

علی نین عمر و ابوبکرله زارافاتی

بیر گون آتلاندی حیدر و سفدر،
ساغدا صدّیق، سول یانیندا عمر.
قامت مرتضی ایدی کوتاه،
چون اوزون اول ایکی ولی الله.
بو سؤزو حیدره سماحتله
دئدی لر خنده و زرافتله:
“اَنتَ فی بِینینا کنون لِنا.
قالَ اِن لَم یَکون فی اَنتُم لا”؟*
اولدولار بو جوابدن خندان،
دئدی لر:– یا علی، دئیل بهتان؛
چونکی احمدله نور واحد سن،
ائتدیگین ادعایه شاهد سن.
اولماسایدین سن، ای سولالۀ پاک،
خلق اولونمازدی ارض ایله افلاک.
باعث جمله ماسوا سن سن،
شمس حق، نور اولیا سن سن.
بیر گونوم سنسیز اولماسین، داور،
اولماسایدین هلاک اولوردو عمر.
ای اوغول، بیل کی، اولیای خدا
ائیله‌ییب لر زرافت زیبا.
هر او صحبت کی، یوخدور اوندا نمک،
سؤیله ینچون وبال دیر بی شک.
————————————————————
* سن بیزیم آرامیزدا “لنا “، یعنی: بیزیم ایچون، بیزیمکی
سؤزونون “ن“ (n) حرفی کیمیسن. دئدی: من اولماسام
(یعنی: ”n” حرفی اولماسا) سیز (لا) (la)(هئچ، یوخ، هئچ لیک(
اوخونارسینیز.