نادیره

نادیره

بیر گون [جوها] بیر ائوه گلدی کی، تزه چؤرک و آش بیشیرمیشدی لر. هر قدر کی، اوتوردو، اونونچون طعام و خؤرک گتیرمه‌دی لر. آیاغا دوردو، تعظیم تمام ایله ائوین او طرفینه، بو طرفینه یوگوردو.
دئدی لر بو نه عمل دیر؟
دئدی کی، بو ائو کعبه نین ائوینه اوخشاییر. منه واجب دیر کی، اونون اطرافینی طواف ائله ییم.
اوندان سونرا دوردو، ائوین دؤرد بیر طرفینی دولاندی و مساحت ائله دی، یعنی اؤلچدو.
دئدی لر کی، نیه اؤلچورسن؟
دئدی کی، بیر ائو کی، طعام سیز اولا، اونی تعمیر ائله مک آسان دیر. ایستییرم کی، بو ائوین طول و عرضینی بیلیم و بو آندازه ده اؤزومدن اؤترو بیر ائو تعمیر ائله ییم.