اوغلوما نصیحت
ای اوغول، شاهه ائیلهمه جرات،
شاه طبعینه اؤزگه دیر حالت.
مُتَلَوّن اولور طبیعت شاه،
شیرلردیر بولار، نه کیم روباه.
گاه مدحیندن ائیله یر نفرت،
گاه دوشنامینه وئریر خلعت.
شاعر و شیر و شاه دن حذر ائت!
اونلارین خرگهینه آز گذر ائت.
بونلارین هر اوچو اولور مغرور،
هر اوچونده عیاندو کبر و غرور.
سنی تنگ ائتسه گوشۀ وحدت،
باری هم جنسین ایله قیل الفت.
مایل اولما اؤزوندن اعلایه،
باشینی سالما شور و غوغایه.
بونلارایله چوخ ائیلهدیم الفت،
حاصلیم اولمادی به جزء زحمت.