سالیانلی آخوند موللا محمدحسن حاقیندا

سالیانلی آخوند موللا محمدحسن حاقیندا

گؤردوم یوخدا شه بلانی،
مظلوم دیار کربلانی.
غمگین ایدی، زار، اشک ریزان،
گریان ائله ییردی ماسوانی.
اؤپدوم آیاغین طزرّه ائتدیم –
کی، محنتی آغلادان سمانی!
باعث ندی گؤز یاشین روان دیر؟
شرح ائیله منه بو ماجرانی.
بیر آه چکیب بویوردو اول شه؛
گؤر دهرده چکدیگیم جفانی.
یئتمیش ایکی تن شهید اولدوق،
چکدیک الم و غم و بلانی.
بونلار هامی سهل دیر و لاکین،
اینجیتدی منی، گؤرون، فلانی،
بیر مرثیه خوان هرزه گفتار،
منبرده ایپه دوزور یالانی.
تا آغلادا بیر نئچه عوامی،
باغلار بیزه هردم افترانی.
سوردوم کی، او کیم دیر، ای مکرم؟
وئر بیرجه نشان او غلطه بانی.
بیر آه چکیب دئدی او سرور:
سالیانین او زشت روزه خوانی.
اول موللا محمد حسن کیم،
ساتدی پولا دین ایله ایمانی.