عشق پیدا اولوبان توتدو منیم دامنیمی

اقتدای تن و جان و دل شیدا ائتدیم.
اؤزومو عاشیق اولوب مایل دنیا ائتدیم.
دیل و جان و تنیمه وئرمک اوچون راحت لر،
رنج لر چکدیمو اسباب مهیا ائتدیم.
ملک عالمده پریشانلیغا اسباب اولدو
من کی، جمعیت اوچون هر نه تمنا ائتدیم.
عالم قدسده بیر عاقل و فرزانه ایکن،
اؤزومو عالم ناسوتده روسوا ائتدیم.
راحت ایدیم، ره تشویش و بلانی توتدوم،
عجب آسوده ایدیم دغدغه پیدا ائتدیم.
هیچ سوده گیرهی آچمادی احوالیمدان،
عاجز اولدوم دخی ترک هامی سودا ائتدیم.
عشق پیدا اولوبان توتدو منیم دامنیمی،
یاخدی غیرت اودونا بو دل و جان و تنیمی.