آتش حسرت اونون کؤنلونه چکمیش یوز داغ

سبزه‌لر پردۀ حسن گول رخساری اولوب،
خارلر راهزن صفحۀ گولزاری اولوب،
ترک ائدیب طالب اولانلار عرفات کویین،
دخی متروک او گولون کعبۀ دیداری اولوب.
ترک ائدیب عاشیق اولانلار هوس دیدارین،
اؤزو عاشیق لرین، اول شوخ، طلبکاری اولوب.
منتظرلر هامی اوندان ائله‌ییب قطع نظر،
معتقدلر هامی سی منکر اطواری اولوب.
دخی سرمست دئگیل بادۀ غفلتدن او گول،
آییلیب، هوشه گلیب، درد خبرداری اولوب.
بیر گدا تک کی، اؤزون خوابده سلطان گؤرموش،
گؤز آچیب واقعه نین، حیف کی، بیداری اولوب.
آتش حسرت اونون کؤنلونه چکمیش یوز داغ،
داغیلیب رونق جمعیتی، آشفته دماغ.