منو
یاسین عوضینه
اۆرگیمین یاخینلاری، ائشیدین،
دیلگیمین یاخینلاری، ائشیدین:
ایللر یامان آرتیریر بو یاشیمی.
یا تئز، یا گئج یئره قویسام باشیمی،
نه آغلایین، نه ده فریاد قوپارین،
وعدینیزه عمل ائدین، نهایت،
منی آراز ساحیلینه آپارین.
ایللردیر کی، قلبیمده‌دیر بو حسرت.
مزاریمی او تورپاقدا قازدیرین،
گؤز یاشیمدان یاراتمیشام بو چایی.
منی اۆزو تبریز ساری باسدیرین،
قیبله‌م اولسون آرازیمین او تایی،
آنجاق، یالنیز بیرجه بونو ائتمه‌یین،
گؤزلریمین قاپاغینی اؤرتمه‌یین.
اۆفوقلردن چکیلرکن سیس، دومان،
بلکه بیر ده قارا تورپاق آلتیندان –
وۆصال گۆنو قارداشیمی گؤروم من.
قارداشیمی، سیرداشیمی گؤروم من.
منیم عزیزلریم، منیم دوستلاریم،
ائله بیلمه‌یین کی، کؤچوب گئدیرم.
یاری‌یا چاتیبدیر عؤمور باهاریم،
بیر ده خاهیشیمی تکرار ائدیرم:
واختیندا دۆنیادان کؤچدوگوم گۆنده،
توتسون تابوتومدان او تایلی اللر.
یاسین عوضینه قبریم اۆستونده،
بیر وۆصال ماهنی‌سی اوخوسون ائللر!
دیلگیمین یاخینلاری، ائشیدین:
ایللر یامان آرتیریر بو یاشیمی.
یا تئز، یا گئج یئره قویسام باشیمی،
نه آغلایین، نه ده فریاد قوپارین،
وعدینیزه عمل ائدین، نهایت،
منی آراز ساحیلینه آپارین.
ایللردیر کی، قلبیمده‌دیر بو حسرت.
مزاریمی او تورپاقدا قازدیرین،
گؤز یاشیمدان یاراتمیشام بو چایی.
منی اۆزو تبریز ساری باسدیرین،
قیبله‌م اولسون آرازیمین او تایی،
آنجاق، یالنیز بیرجه بونو ائتمه‌یین،
گؤزلریمین قاپاغینی اؤرتمه‌یین.
اۆفوقلردن چکیلرکن سیس، دومان،
بلکه بیر ده قارا تورپاق آلتیندان –
وۆصال گۆنو قارداشیمی گؤروم من.
قارداشیمی، سیرداشیمی گؤروم من.
منیم عزیزلریم، منیم دوستلاریم،
ائله بیلمه‌یین کی، کؤچوب گئدیرم.
یاری‌یا چاتیبدیر عؤمور باهاریم،
بیر ده خاهیشیمی تکرار ائدیرم:
واختیندا دۆنیادان کؤچدوگوم گۆنده،
توتسون تابوتومدان او تایلی اللر.
یاسین عوضینه قبریم اۆستونده،
بیر وۆصال ماهنی‌سی اوخوسون ائللر!