منو
سئودیگیم آلایدی اۆزوندن نیقاب
سئودیگیم آلایدی اۆزوندن نیقاب،
بیر ده باخیب او جمالی گؤره‌یدیم.
تاماشا ائده‌یدیم قاشا، قاباغا،
حلقه زۆلفو، خطّی، خالی گؤره‌یدیم.
اولموشام من اونا عاشیق-دیدار،
تاپیلماز بیر بئله گؤزلری خومار،
لبیندن نوش ائتمک خیالیمدا وار،
یار بیلیرمی بو خیالی، گؤره‌یدیم.
او خوبلار سروری، سرخوش سلاطین،
آچایدی سراسر گؤزل صۆفاتین،
قویایدی امیدیم قندین، نباتین،
آغزینداکی شکر، بالی گؤره‌یدیم.
کؤنلونو آینا تک ائیله‌یه‌یدی پاک،
بیر سؤز دئسم، اولمایایدی غضبناک،
دورایدی قارشیمدا سرخوش، سینه‌چاک،
خوش‌ایقبالدیر، او ایقبالی گؤره‌یدیم.
گاه نارین دره‌یدیم، گاه گۆللرینی،
گاه سیاه زۆلفونون سۆنبوللرینی،
گاه دا بیر توتایدیم آغ اللرینی،
واقیف دئر، نه مۆلک و مالی گؤره‌یدیم.
بیر ده باخیب او جمالی گؤره‌یدیم.
تاماشا ائده‌یدیم قاشا، قاباغا،
حلقه زۆلفو، خطّی، خالی گؤره‌یدیم.
اولموشام من اونا عاشیق-دیدار،
تاپیلماز بیر بئله گؤزلری خومار،
لبیندن نوش ائتمک خیالیمدا وار،
یار بیلیرمی بو خیالی، گؤره‌یدیم.
او خوبلار سروری، سرخوش سلاطین،
آچایدی سراسر گؤزل صۆفاتین،
قویایدی امیدیم قندین، نباتین،
آغزینداکی شکر، بالی گؤره‌یدیم.
کؤنلونو آینا تک ائیله‌یه‌یدی پاک،
بیر سؤز دئسم، اولمایایدی غضبناک،
دورایدی قارشیمدا سرخوش، سینه‌چاک،
خوش‌ایقبالدیر، او ایقبالی گؤره‌یدیم.
گاه نارین دره‌یدیم، گاه گۆللرینی،
گاه سیاه زۆلفونون سۆنبوللرینی،
گاه دا بیر توتایدیم آغ اللرینی،
واقیف دئر، نه مۆلک و مالی گؤره‌یدیم.