سیّدا، کیلک مصور دیرعصای موسوی

غیر ایله یاریم گزیر، گردن چکیب بیر قو کیمی،
قالمیشام ویرانه‌لر کنجونده من بایقو کیمی.
ذکر ائدرسم گئجه‌لر آغزیم سولانی ذوقدن،
بیر سورئینی وار او شوخون بالش پرقو کیمی.
دور دندانی غمیندن قطره قطره گؤز یاشیم
تیر مژگانی توتولموش رشتۀ لؤلو کیمی.
من دئمم کی، ایچمه‌دیم مئی سنسیز، ای نامهربان،
ایچدیم، اما لب لریندن آیری، بیر آغو کیمی.
سروه دئرلر میوه وئرمز، بس نه‌دیر، ای سرو قد،
پیرهندن باش وئریب پستانلارین لیمو کیمی؟
گؤزلرین آهویا بنزتدیم، خطا ائتدیم، او شوخ
عاقبت مندن رمیده اولدو بیر آهو کیمی.
یاره‌لنمیش میخ لب شهباز چشمیندن مگر،
ناله ائیلر روز و شب مسکین کؤنول یاهو کیمی.
روی آتشناکین اوسته زلفون اوینار دم به دم،
لعبت اظهار ائیلر آتشباز اولان هیندو کیمی.
سونبول زلفونله تا کی، مرحم ائتدیم زخمیمه،
بو وئریر هر گئجه زخمیم بیر گول شبو کیمی.
سیّدا، کیلک مصوردیر عصای موسوی،
سن اونا هرگز نظیره سؤیلمه جادو کیمی.