منو
سیّد، اول گول بدنی بس کی وفا سیز گؤردوم
تا نقاب عارضینه زلف دوتادن سالدی،
منی اول ماه لیقا شور و هوادن سالدی.
سالدی کؤنلومدن او گول اؤزگه صنم لر شوقین،
بوت لری ناییب حق بیت خدادن سالدی.
خط مشکینی گلیب توتدو روخ جانانی،
شامی لر مملکت رومی صفادن سالدی.
صبح سرمست چیخیب تا ائله‌دی رفع نقاب،
عارض بیضۀ بیضانی ضیادن سالدی.
نینواده منی بیر شوخ عرب قیلدی اسیر،
بو سینیق کؤنلومو نئی کیمی نوادن سالدی.
عشق ایله سالمیش ایدی عالمه مجنون صدا،
اونو دیوانلیگیم ایندی صدادن سالدی.
سیّد، اول گول بدنی بس کی وفا سیز گؤردوم،
منی نومید ائدیب، امید رجادن سالدی.