میرزه شفی واضح

میرزه شفی واضح
آذربایجان ادبیاتینین ماراقلی شخصیتلریندن بیری میرزه شفی واضح دیر. ملی معدنیتیمیزین اینکیشاف تاریخینه او، ایستعدادلی شاعر، ماهیر خطاط و معلم کیمی داخل اولموشدور.
میرزه شفی واضح ١١٧٣-جو ایلده گنجه شهرینده دنیایا گلمیشدیر. ایلک تحصیلینی موللا خانادا آلان شاعر ١٢١٩-جی ایلده تفلیسه کؤچه رک قضا مکتبینده شریعت و آذربایجان دیلی معلمی وظیفه سینه دوزلمیشدیر. ١٢٢۵-جی ایلدا گنجه شهر مکتبینه دییشیلمیش، دؤرد ایل بورادا چالیشدیقدان سونرا یئنی دن تفلیسه قاییداراق، شهر گیمنازیاسیندا کیچیک معلم وظیفه سینی توتموشدور. او، عؤمرونون آخرینا کیمی بو وظیفه ده ایشلمیش و ١٢٣١-جی ایلده وفات ائتمیشدیر. شاعر تفلیسده مسلمان قبیریستانلیغیندا دفن اولونموشدور.
واضح تفلیسده یاشایارکن آلمان شرق شناس-عالیمی فریدریخ فون بودئنشتئدتله تانیش اولموش، اونا شرق دیللرینی اؤیرتمیشدیر. اونلارین موناسیبتی گئتدیکجه دوستلوغا چئوریلمیش و میرزه شفی اؤز اثرلریندن عبارت شعر دفترینی بودئنشتئدتا باغیشلامیشدیر. ف.بودئنشدئت همین دفتری آلمانیایا آپارمیش و اورا داکی شعرلرین ترجومه سینی ١٢٢٩-جی ایلده بئرلینده چاپ ائتدیردیگی «شرقده مین بیر گون» اثرینده وئرمیشدیر.
سونرالار مختلف دیللره چئوریله رک، دئمک اولار کی، دنیانین هر یئرینه یاییلان بو اثرلرین اوریژینالی تام حالدا الده یوخدور. اونلارین آز بیر قیسمینی مشهور آذربایجان عالیمی سالمان ممتاز، و بیر آیری قیسمینی ایسه پروفوسور حمید ممدزاده تاپیب، اوخوجولارا چاتدیرمیشدیر. بورا داکی نمونه‌لر شعرین «شعرلر مجموعه سی» (١٣۶۶) کتابیندان گؤتورولموشدور.