منو
گؤی گؤل
دومانلی داغلارین یاشیل قوینوندا،
بولموش گؤزللیکده کمالی گؤی گؤل.
یاشیل گردنبندی گؤزل بوینوندا،
عکس ائتمیش داغلارین جامالی گؤی گؤل!
یاییلمیش شؤهرتین شرقه، شیمالا،
شاعیرلر حئیراندیر سنده‌کی حالا.
دومانلی داغلارا گلن سوالا،
بیر جاواب آلمامیش سورالی گؤی گؤل!
بولونماز دۆنیادا بنزرین بلکه،
زوّارین اولموشدور بیر بؤیوک اؤلکه.
اولایدی کؤنلومده بیر یاشیل کؤلگه،
دۆشه‌یدی سینه‌نه یارالی گؤی گؤل!
سنین گؤزللیگین گلمز کی، سایا،
قوینوندا یئر واردیر اولدوزا، آیا.
اولدون سن اونلارا مهریبان دایا،
فلک بوساتینی قورالی گؤی گؤل!
کسین عئیش-نوشی، گلنلر، سوسون!
دوماندان یورغانی، دؤشگی-یوسون.
بیر یورغون پری وار: بیر آز اویوسون،
اویوسون داغلارین مارالی گؤی گؤل!
زۆمرود گؤزلرینی گؤرسونلر دئیه،
شاملار بوی آتمیشدیر، اوزانمیش گؤیه.
کئچمیشدیر اونلارا غضبین نیه،
دۆشموشلردیر سندن آرالی گؤی گؤل؟
دولانیر باشینا گؤیده بولودلار،
بزنمیش عشقینله چیچکلر، اوتلار،
اؤپر آیاغیندان قوربانلار، اوتلار،
آیریلیق کؤنلونو قؽرالی گؤی گؤل!
بیر سؤزون وارمیدیر اسن یئللره؟ -
سیفاریش ائتمگه اوزاق ائللره...
یاییلمیش شؤهرتین بۆتون دیللره،
اولورسا، اولسون قوی هارالی گؤی گؤل!
۱۹۲۵
بولموش گؤزللیکده کمالی گؤی گؤل.
یاشیل گردنبندی گؤزل بوینوندا،
عکس ائتمیش داغلارین جامالی گؤی گؤل!
یاییلمیش شؤهرتین شرقه، شیمالا،
شاعیرلر حئیراندیر سنده‌کی حالا.
دومانلی داغلارا گلن سوالا،
بیر جاواب آلمامیش سورالی گؤی گؤل!
بولونماز دۆنیادا بنزرین بلکه،
زوّارین اولموشدور بیر بؤیوک اؤلکه.
اولایدی کؤنلومده بیر یاشیل کؤلگه،
دۆشه‌یدی سینه‌نه یارالی گؤی گؤل!
سنین گؤزللیگین گلمز کی، سایا،
قوینوندا یئر واردیر اولدوزا، آیا.
اولدون سن اونلارا مهریبان دایا،
فلک بوساتینی قورالی گؤی گؤل!
کسین عئیش-نوشی، گلنلر، سوسون!
دوماندان یورغانی، دؤشگی-یوسون.
بیر یورغون پری وار: بیر آز اویوسون،
اویوسون داغلارین مارالی گؤی گؤل!
زۆمرود گؤزلرینی گؤرسونلر دئیه،
شاملار بوی آتمیشدیر، اوزانمیش گؤیه.
کئچمیشدیر اونلارا غضبین نیه،
دۆشموشلردیر سندن آرالی گؤی گؤل؟
دولانیر باشینا گؤیده بولودلار،
بزنمیش عشقینله چیچکلر، اوتلار،
اؤپر آیاغیندان قوربانلار، اوتلار،
آیریلیق کؤنلونو قؽرالی گؤی گؤل!
بیر سؤزون وارمیدیر اسن یئللره؟ -
سیفاریش ائتمگه اوزاق ائللره...
یاییلمیش شؤهرتین بۆتون دیللره،
اولورسا، اولسون قوی هارالی گؤی گؤل!
۱۹۲۵