منو
تللرینه شانه وورما!
وورما اوقارا تئللرینه شانه، سئوگیلیم
ائتمه منی بلا کشِ دیوانه، سئوگیلیم
یاندیردی حسرتین منی، گؤستر جمالینی
کؤنلوم اولوب او آتشه پروانه سئوگیلیم
بیر دفعه ائیله دیمسه تمنای وصلینی
یوز دفعه یاندیم آتشِ هیجرانه سئوگیلیم
گزمه رقیب ایله، منی غئیرت هلاک ائدر
سالما بلالی عاشقینی قانه سئوگیلیم
گؤسترمه قارا خالینی، کؤنلوم فغان ائلر
قوش، د ن. گؤرنده تئز گلیر افغانه سئوگیلیم
مین لیلی گؤرسه حُسنونو مجنون اولوب، سنین
عشقینده، اوز توتاردی بیابانه، سئوگیلیم
انصافی اولسا، چرخ بو بیچاره واحدی
حسرت قویارمی سن کیمی جانانه، سئوگیلم؟!