منو
هردن بیر
وورار مشاطه شانه طرهٔ جانانه هردن بیر
ائدر عاشیقلر احوالین پریشان شانه هردن بیر
دئدیم: بند ائیله‌مه، جانا، سرِ زولفونه عشق اهلین
دئدی: زنجیره باغلانسین گرک دیوانه هردن بیر
فلک کج لیگینه سالمیش، قاشین یاییله بحث ائیلر
دوشر هر آی باشیندا ماهِ نو نقصانه هردن بیر
سنی تانری، صبا، دوشسه گذارین اول سرِ کویا
یئتیر عرضیم منیم ده اول گولِ خندانه هردن بیر
داغیتما بونجا زولفون رویونا، ائتمه گونوم قارا
اوزون گؤستر، نولا، ای مه، منِ نالانه هردن بیر
بو نشئه زاهیدین ا کسیک دئییل ذؤق بهشتیندن
مئی ایچسم یار ایله میخانه ده مستانه هردن بیر
منه رؤیادا گؤرمک ده سعادتدیر اینان، واحد
آلایدیم یاری آغوشا نزا کت یانه هردن بیر