منو
گزر
وهم قیلماز کؤنول، اول حلقهٔ گیسوده گزر
گؤرنه مجنوندوکی، زنجیره آسوده گزر
خونِ دل جاری اولور هیجرینده گؤز یاشی ایله
رسمدیر، فصلِ خزان برگ دوشب جُودا گزر
وادیِ هیجرده بیر لیلی سوراغیندا کؤنول
اولوب آواره، جنون عشقینه آلوده گزر
دل کمندینده دوروب، خالینی زولف ایچره گؤروب
رسمدیر، اغرو، گؤزوم، گئجه قارانقوقدا گزر
وورما مشاطه دخی شانه او زولفِ سیهه
مرغِ دل رشته به رشته او سیه موده گزر
گؤز یاشیمدا دولانیر، حُسن روخون مؤج لنیر
آفتاب عکسی دوشوب، سانکی گونوز سوده گزر
دولانیر آیینهٔ قلبده مهری او مهین
نئجه بیر عکس کی، واحد، دوشه گوزگوده گزر