پروانه دئییلمیش

مجنون هله ده عشقده دیوانه دئییلمیش
لیلی او زامانلار اونا جانانه دئییلمیش
مجنونوگرفتارِ غمِ عشق ائله ین وار
دیوانه دئین لر اونا فرزانه دئییلمیش
چوخ فرقی وار، عارف دوشونر عقل ایله عشقین
عشق اهلی کمال اهلینه همخانه دئییلمیش
پروانه یانیر شؤق جمالینلا، سانیردیم
اؤز کؤنلوم ایمیش هر گئجه، پروانه دئییلمیش
زولفونده گزن شانه نی بیگانه بیلیردیم
او، محرم ایمیش کؤنلومه، بیگانه دئییلمیش
پیریمدن ائشیتدیکده خراباتیِ عشقی
اؤیرندیم او گنجینه نی، ویرانه دئییلمیش
وار عذرو، ا گر سئومه سه عشق اهلینی زاهید
معذوردور، اونون طبعی ظریفانه دئییلمیش
البته، حقیقت چیخاجاق ظاهیره، واحد
بیر ایش تاپ، اونون اوّلی افسانه دئییلمیش