منو
آشنالیق ائیله‌میشم!
سنینله من، گؤزلیم آشنالیق ائیله‌میشم
سنی وفالی بیلیب، جان فدالیق ائیله‌میشم
رقیبه همدم اولوب، سالماسان منی گؤزدن
هاچانکی گون سنه من بی وفالیق ائیله‌میشم؟(١)
سنینله یار اولالی، بیر زمان اوزوم گولمز
کی بیلمیره م سنه، نه بی ادالیق ائیله‌میشم؟
جفانی ترک ائله، مه پاره‌لر جفا ائله مز
نه مدت ایدی قاپوندا گدالیق ائیله‌میشم
گونوم قارالدی سرِ زولفونون خیالیندان
تعجبم، سنه نه اوز قارالیق ائیله‌میشم؟
کسیب اومیدیمی، واحد، من اؤز نیگاریمدان
صفالی، عیشی می، آخر فنالیق ائیله‌میشم
١مصرع بو شکلیده ده قئید اولموشدور:
دیٔ هانسی گون سنه من بی وفالیق ائیله‌میشم؟