منو
بؤیوک سعادت
سنین گؤزلیگین، ای گول، بوتون ملاحتدیر
بو حُسن سنده ایکن ان بؤیوک سعادتدیر
رقیبه گؤزلرینین مایل اولدوغونون بیلیریم
من عارفم، بیر اشاره منه کفایتدیر
قاشین، گؤزون، یئریشین، کپریگین، ایکی زولفون
نه فتنه دیر، بو ییغیبسان، مگر قیامتدی؟
حئییف کی، قیمتینی بیلمه دین، یانیراورگیم
گؤزل کی، بیلمه‌دی اؤز قیمتین، جنایتدیر
دئییم کی، گولمه، دانیشما، رقیبه ناز ائتمه
نئجه دئییم، گؤزلیم، سنده گولمک عادتدیر
رقیبین عاشیقیسن، کؤنلوم اینجییب سندن
گؤلوندن آیری سالان بولبولو رقابتدیر
نه عیبی وار، یئنه عاشقینله گولسن ا گر
گولورسن اؤزگه لرایله، بوکی خیانتدیر
شیکایت ائیله‌مه، واحد، همیشه شوکر ائیله
دایانمیشیق، هله لیک جان کی وار سلامتدیر