منو
گؤزون فداسییام گؤزلیم!
سنین گؤزللیگی نین مبتلاسییام، گؤزلیم
او قارا گؤزلرینین جان فداسییام گؤزلیم
منیم بو ناله مین هر بیر کؤنولده وار اثری
شکسته نئی کیمی روحین غذاسییام، گؤزلیم
کمندِ زولفونه من تک اسیر اولان چوخدر
هامیدان عاجیزی، بخت قاراسییام گؤزلیم
بلالی عاشیقینم باخما غئیرلر سوزلرینه
محبت عالمینین بینواسییام گؤزلیم
ائله نه ظلم. واریندیر ا گر دیلیم یانسین
دئسم، جفالارینین نارضاسییام، گؤزلیم
یولوندا منتظرم، جان وئریم گؤرنده اوزون
جفا چکن لرین اهلِ وفاسییام، گؤزلیم
ا گرچی، واحدم، اغیاره باش اه ین دئییلم
فقط سنین سرِ کویون گداسییام، گؤزلیم