جنّته بنزر دیاریمیز واردیر

سنین کیمی، گؤزلیم، گولعذاریمیز واردیر
خزانا دؤنمه یه جک نو باهاریمیز واردیر
ترانه میز بویوروب هر دیاری بولبول تک
عطیرلی گوللریمیز، لاله زاریمیز واردیر
بیزیم کیمی هله ده بختیار اولان یوخدور
گؤزل زمانه، گؤزل روزگاریمیز واردیر
بهشت چیچک لرینین حسرتین چکن دئییلیک
بیزیم ده جنّته بنزر دریاریمیز واردیر
بو سئوگی عالمیدیر، قورخما، کیمسه دن، گؤزلیم
سئویب، سئویلمگه اؤز اختیاریمیز واردیر
طبیعت ایندی بیزیم قارشیمیزدا عاجیزدیر
گؤزلیک عاشیقییک، اقتداریمیز واردیر
بو فخردیر بیزه، واحد، همیشه عالمده
یانیندا خالقیمیزین اعتباریمیز واردیر