منو
گؤر ایشی فردایه گؤره!
قاچدی صحرالره مجنون، دئمه لیلایه گؤره!
عشقه دوشمیش اودا بیر باشقا معمایه گؤره
هره بیر دردیله، آلوده دیر ائیلر ناله
من، سنین حُوسنونه، بولبول، گول رعنایه گؤره
بو تمناده ایدیم وصلینه، ای گول، یئتیشم(١)
سیندی مندناورگین، تئز بو تمنایه گؤره
یوسیفین عشقی زولیخانی شرفدن سالدی
اودا زندانه دچار اولدو زولیخایه گؤره
باشقا مه پاره‌لر عشقینده، گؤزومدن دوشدو
قطره گوزدن دوشر، البته کی، دریایه گؤره
گول اوچون بولبولِ شیدا،کئچیر اؤز جانیندان
گول، نه ییندن گئچه جک بولبولِ شیدایه گؤره
عؤمروموز ایندی کی، واحد، بئله سرعتله گئچیر
ممکن اولدوقجا، بو گون گؤر ایشی فردایه گؤره
١مصرع بو شکلیده ده قئید اولموشدور:
بو تمناده ایدیم وصلینه، ای گووول، یئترم