منو
گیسوی پرخم
پا بسته اولماسایدیم او گیسوی پرخمه
دیوانه لیکده شهرتیم ایرمزدی عالمه
هر دم دوشنده رویینه اول زولفِ پرخمین
بنزر خزینه اوسته دوران مار ارغمه
لعلین دیریلدیر، ئولدورور عشاقی، ای صنم
یوخ احتیاجیمیز داها عیسی و مریمه(١)
بیر دانه چین او ترک ائله مزایدی جنّتی
خالین خیالی باعث اولوب دئرلر، آدمه
زاهید بیلرمی سرّینی غنچه دهاننین؟
واقف اولارمی نابلد اسرار مبهمه؟
ذؤق حیاتیمیز ره میخانه لرده دیر(٢)
وئردیک بهشتی بیز سنه، زاهید، جهنمه!
واحد، زمانه ایچره تاپیلماز بیراهل دل
سانما وفالی، باغلاما بئل یار و همدمه
مصرع بو شکلیده ده قئید اولموشدور:
١یوخ احتیاجیمیز دخی عیسی بنِ مریمه
٢واحد، خیالیمیز یئنه میخانه لرده دیر