منو
آسلان یاخشیدیر
اوُیما، ای کؤنلوم، وصالِ یارا، هیجران یاخشیدیر
ناز ائدینجه عاشیقه ظلم ائتسه جانان یاخشیدیر
کویِ جاناندیر وئرن ذؤق و محبت عاشیقه
بولبولِ شیدا اوچون سئیرِ گولوستان یاخشیدیر
سؤز قانان بیر اهلِ حال عشقینده جاندان کئچمه لی
قانمایان نا اهلدن بیر اهلِ عرفان یاخشیدیر
حیله گرلیک شأنینه لایق دئییل انسانلیغین
تولکوتک یالتاقالانان آلچاقدان آسلان یاخشیدیر
خالقیمیز هر عصره لایق قهرمانلار بسله ییر
یوزمین عاجیزدن بو گون بیر مردِ میدان یاخشیدیر
ایندی لازیمدیر آیاقلاشماق معاصر دؤوراله
واحدا، هر شعرینه بیر تازه عنوان یاخشیدیر