سن اولایدین!

اوّلده گرک سئوگیلی یاریم سن اولایدین
سرویم، چمنیم، باغ و باهاریم سن اولایدین
بولبول کیمی اطرافینا هر گون دولانایدیم
اؤز گولشنیم، اؤز لاله عذاریم سن اولایدین
بیر باشقا نیگار عشقینه دوشمزدیم ازلدن
هر گاه، گؤزلیم، نازلی نیگاریم سن اولایدین
بیر اوو ایتیرن اووچوتک آرخانجا گزردیم
گر بؤیله نزا کتی شیکاریم سن اولایدین
گولزاری گزیب، نرگیسه باخمازدیم اؤلونجه
عؤمروم بویو گر چشمِ خوماریم سن اولایدین
قلبیمده سنی گول کیمی بسلردیم همیشه
دؤرمده گزن بولبولِ زاریم سن اولایدین
خوشدور منه، اؤز واحدینم، عشقینه یانسام
پیوسته گرک دیلده شعاریم سن اولایدین