منو
گل چک امتحانه!
واقف
((سالیبدی فتنه ایکی گؤزلرین جهانه یئنه(١)
ده‌ییبدی بیرـ بیرینه مردمِ زمانه یئنه))
واحد
گمان کی، خارایله گول کسمه‌میشدیر اولفتینی
چمنده بولبول شیدا گلیر فغانه یئنه
سیّد زرگر
((خیالی وار او قارا گؤزلرین کی، ناز اوخونا
کامان قاشینلا ائده سینه می نشانه یئنه))
واحد
نه مدت ایدی، سنین حسرتِ جمالین ایدیم
ائدیبدی زولفونو دل مرغی آشیانه یئنه
سیّد زرگر
((ترّحم ائیله، ایا، ماهِ چهره، سال یاده
گلیبدیر عاشیقِ دلخسته، الاماه یئنه))
واحد
طوافِ کعبهٔ کویون خدا نصیب ائله سین
کی، بیرده اوز قویوم اول خاکِ آستانه یئنه
فراقین آتشینه کؤنلومو دوچار ائله دین
خیالِ وصلین ایله دل دوُنوبدو قانه یئنه
گر عاشیقه باخسان کج نگاهِ تند ایله
قسم او جانیوا، عاشیق گلیر فغانه یئنه
وفالی اولدوغومو یوز یول امتحان ائتدین
اینانماسان، گؤزلیم گل چک امتحانه یئنه
وصالِ دلبره، واحد، یئتردی بیر دم الیم
دوزه لده بیلسه ایدیم الده بیر بهانه یئنه
١بیت سالیانلی شاعیر میرزا ابوالحسن واقفدن دیر.