یوخ بیر طبیب!

یارب توکندی جهل ایله صبر و قراریمیز
الدو زیاده محنتِ قلبِ فکاریمیز
محروم قیلدی جهل بیزی فیضِ علمدن
حئیفا کی، کئچدی غفلت ایله روزگاریمیز
مستیک شراب غفلت ایله جمله میز مدام
بالله، گؤرونمه ییر گؤزه بیر هوشیاریمیز
غم بسترینده درد و غمه اولموشوق دوچار
یوخ بیر طبیبِ حاذق، اولا غمگساریمیز
زاهید سالیبدی بیزلری دام جهالته
مشکل او دامدان اولا بیردم فراریمیز
دونیادا علمسیز یاشاییب گون کئچیرمه دن
هیئی دیرکی، محو اولوب، یوخ اولا جمله واریمیز
واحد شکسته بولبول تک ائیله ییر فغان
سولموش خزانِ جهل ایله باغ و باهاریمیز