یاندیردی کؤنلومو

بزمِ شرابخانه ده دوردوم آیاغیده
وئردی شراب ساقی منه بیر آیاغیده
شمع شعاعِ حُسنونه یاندیردی کؤنلومو
پروانه رسمدیر کی، یانار شبچیراغیده
گؤرموش مگر او غنچه لبین گولشن ایچره گول
اولموش شکفته گولشن آرا گول بو داغیده
عطرِ گولابِ زولفونو هر کیمسه اییله سه
گئتمز اؤلونجه عطری قالار اول دماغیده
سرویم کی نازایله قدمین قویدو گولشنه
قیلدی شکست سرو قدی سروی باغیده
زولفو ایچینده مسکن ائدیب کؤنلومون قوشو
دل رشته سینی اینجیدیب اول مه دراغیده
هر کیم یئتیشدی دهرده وصل نیگارینه
واحد همیشه جانی وئریبدیر فراقیده