سونبول ساچیندان بو توتوب

سونبول و گول اؤیله کیم، زولف و روخونه خو توتوب
گول اوزوندن عطر آلیب، سونبول ساچیندان بو توتوب
گوشهٔ ابرو لرینده خالیدرمی بیلمیرم؟
یا قلیجلاردیر الینده بچهٔ هیندو توتوب ؟
ای هیلال ابرو، دئییل خورشید هر گون صبحدم
چرخ عکسین گؤرمگه گؤ یدن یئره گوزگو توتوب؟
چشم مخمورون مسخّر قیلدی جان و کؤنلومو
گؤر نئجه صیادی ماهیردیر، ایکی آهو توتوب!
انتظار قامت و رویونلا اولموش مضطرب
سرو و گول باغ ایچره مدتدیر، کنار جو توتوب
آی باتیب، یا گون توتولموش، ابر ظلمتدیر مگر؟
یوخسا، یارین گول اوزون گیسوی عنبر بو توتوب؟
نازایله، واحد، یئنه قان تؤ کمک ایستر خاطیرین
تیر مشگانین الینده اول کمان ابرو توتوب